I really hope, o my grandchildren
Never you boast of your reason
The man of reason loses his beauty (Ki Ageng Selo) 1. pepali-ku ajinen mbrekati
tur selamet sarta kuwarasan
pepali iku mangkene :
ajwa agawe angkuh
ajwa ladak lan ajwa jail
ajwa ati serakah
lan ajwa celimut
lan ajwa mburu aleman
ajwa ladak, wong ladak pan gelis mati
lan ajwa laku ngiwa
ARTINYA : ajaran hargai agar memberkahi
lagipun selamat, sehat
pepali itu demikian :
jangan berbuat angkuh
jangan bengis dan jangan jahil
jangan tamak hatimu
jangan pun panjang tangan
jangan memburu pujian
jangan angkuh, yang angkuh lekat koit
jangan hendak bersikap negatif/buruk
2. padha sira titirua kaki
jalma patrap iku kasihana
iku arahen sawabe
ambrekati wong iku
nora kena sira wadani
tiniru iku kena
pambegane alus
yen angucap ngarah-arah
yen alungguh nora pegat ngati-ati
nora gelem gumampang
3. sapa sapa wong kang gawe becik
nora wurung mbenjang manggih harja
tekeng saturun-turune
yen sira dadi agung
amarentah marang wong cilik
ajwa sedaya-daya
mundhak ora tulus
nggonmu dadi pangauban
ajwa nacah, marentaha kang patitis
nganggowa tepa-tepa
4. padha sira ngestokena kaki
tutur ingsun kang nedya utama
angharjani sarirane
wya nganti seling surup
yen tumpangsuh iku niwasi
hanggung atelanjukan
temah sasar susur
tengraning jalma utama
bisa nimbang kang ala lawan kang becik
rasa rasaning kembang
5. kawruhana pambengkasing kardi
pakuning rat lelananging jagad
pambengkasing jagad kabeh
amung budi rahayu
setya tuhu marang HYANG WIDHI
warastra pira-pira
kang hanggung ginunggung
kasor dening tyas raharja
harjaning rat punika pakuning bumi
kabeh kapiyarsakna
6. poma poma anak putu mami
ajwa sira ngegungake akal
wong akal ilang baguse
dipun idhep wong bagus
bagus iku dudu mas picis
lawan dudu sandhangan
dudu rupa iku
bagus iku nyatanira
yen dinulu asih semune prakati
patrap solah prasaja
7. lawan ajwa dhemen ngaji-aji (mujizat)
ajwa sira kepengin kedhotan
kadigdayan apa dene
ajwa sira mbedhukun
ajwa ndhalang lan ajwa grami
ajwa budi-sudhagar
ajwa watak-kaum
kang den ajab mung ruruba
kaum iku padune cukeng abengis
iku kaum sanyata
8. kumbah krakah cukit lan andulit
miwah jagal melanten kumala
iku nora dadi gedhe
wajib sinirik iku
pan wus ajwa ngaruh-aruhi
ajwa doyan sembrana
matuh analutuh
niwasi barang karya
wong sembrana temahane nora becik
nyenyenges nanjak-nanjak
9. pae wong MAKRIFAT sejati
tingkah una-unine prasaja
dadi panengran gedhene
eseme kadi juruh
saujare manis trus ati
iku ingaran dhomas
wong bodho puniku
ingkang jero isi emas
ingkang nduwe bale kencana puniki
bola-bali kinenca
10. keh tepane mring sagun ging urip
pan uninga ati tengu gengnya
ingkang sasingkal gedhene
endhog bisa keluruk
miwah geni binakar warih
iku talining barat (angin)
kawruhana iku
manjing atos nora renggang
bisa mrojol ing kerep dipun kawruhi
kang cendhak kethokana
11. ajwa watak sira sugih wani
ajwa watak sok ngajak tukaran
ajwa ngendelke kuwanen
ajwa watak anguthuh
jwa ewanan lan ajwa jail
ajwa ati canthula
ala kang tinemu
sing sapa atine ala
nora wurung bilahi pinanggih wuri
wong ala nemu ala
12. poma poma anak putu mami
ajwa sira mengeran busana
ajwa ngendelken pintere
ajwa anggunggung laku
ing wong urip dipun titeni
aketareng basa
katandha ing semu
semu becik, semu ala
sayektine ana tingkah solah muni
katon amawa cahya
13. ajwa sira amadhakken jalmi
amarentah kaya sato kewan
kebo sapi miwah iwen
ajwa sira prih weruh
kaya uwong pan nora ngreti
ajwa kaya si Soma
kebone pinukul
sababe sinau maca
yen bisoa nora beda padha urip
mulane awewuda
14. ayam ginusah yen munggah panti
atanapi lamun mangan beras
kebo ngadhangan bae
iku wong olah semu
lamun sira tetanggan kaki
yen layah ingaruhan
aruhana iku
yen tan layak enengena
apan iku nggemeni darbek pribadi
pan dudu rayatira
15. patrapena rayatira kaki
anak putu sanak presanakan
enakena ing atine
lamun sira amuruk
weruhena yen durung sisip
yen wus ketiwasan
ajwa sira tutuh
kelangan tambah duraka
yen wus tiwas sira umpah-umpahi kaki
tur iku mundhak apa
16. bumi geni banyu miwah angin
pan srengenge lintang lan rembulan
iku kabeh aneng kene
segara jurang gunung
padhang peteng padha sumandhing
adoh kalawan perak
wus aneng sireku
mulane ana wong ngucap
sapa bisa wong iku njraing angin
jaba jalma utama
17. tama temen tumanem ing ati
atinira tan nganggo was-uwas
waspada marang ciptane
tan ana liyanipun
muhung cipta harjaning ragi
miwah harjaning wuntat
ciptane nrus kalbu
nuhoni ingkang wawenang
wenangira kawula punika pesthi
sumangga ring kadarman
Sumber :
http://www.freelists.org/http://swarajawa.blogspot.com/http://uun-halimah.blogspot.com/_______________________
Jalma luwih medharken mamanis,
Kang cinatur Kitap Tafsir Alam.
Tinetepan umpamane:Ingkang segara agung,
Lawan papan kang tanpa tulis,
Tunjung tanpa selaga,
Sapa gawe iku? Kalawan jenenging Allah.
Lan Muhammad anane ana ing endi?
Ywan sirna ana apa?
Artinya:
Manusia terpilih membentangkan perihal yang sedap/
Yang dibicarakan dalam Kitab Tafsir Alam./
Dinyatakan misalnya:/Samudera besar,/
Dan tempat yang tak bertulis,/
Teratai yang tak berkuncup,/
Siapa yang membuat?/Dan nama Allah/
dan Muhammad dimana adanya?/
Bila lenyap apa yang masih ada?
Damar murup tanpa sumbu nenggih,
Godhong ijo ingkang tanpa wreksa,
Modin tan ana bedhuge,
Sentek pisan wus rampung,
Tanggal pisan purnama sidi,
Panglong grahana lintang, Iku semunipun, Kang sampun awas ing cipta.
Aja sira katungkul maca pribadi,
Takokna kang wus wignya.
Artinya:
Pelita menyala tak bersumbu,/
Daun hijau tak berpohon,/
Muazin tak ada beduknya,/
Sekali tarik sudah tamat,/
Tanggal satu bulan purnama,/
Panglong gerhana bintang,/Itulah lambang,/Manusia yang sudah waspada akan ciptanya./
Jangan selalu membaca sendiri saja./
Tanyakanlah kepada yang sudah tahu.
Lawan sastra adi kang linuwih,
Lawan Kur’an pira sastra nira,
Estri priyadi tunggale, Lawan ingkang tumuwuh, Sapa njenengaken sireki? Duk sira palakrama, Kang ngawinken iku? Sira yen bukti punika, Sapandulang yen tan weruha, sayekti. Jalma durung utama.
Artinya:
Dan sastra indah-utama berapa jumlahnya,/
Kitab Al-Quran berapa sastranya,/
Perempuan dan laki-laki utama ada berapa jodohnya?/dan berapa jumlahnya yang tumbuh?/
Siapa yang memberi nama kepadamu?/Waktu kamu kawin./Siapa yang mengawinkan?/Kalau makan siapa yang menyuapi?/
Jika belum mengetahuinya, sebenarnya/Belum menjadi manusia yang utama.
Lawan angangsu pikulan warih,
Amek geni pan nganggo dedamar,
Kodhok angemuli lenge,
Rangka manjing ing dhuwung,
Miwah baita mot ing jladri,
Kuda ngrap ing pandengan.
Lan gigiring punglu,
Tapake kuntul anglayang,
Kakang mbarep miwah adhine wuragil. Tunjung tanpa selaga.
Artinya:
Mencari air membawa sepikul air,/
Mencari api membawa pelita (damar),/
Katak menyelubungi liangnya,/
Sarung masuk ke dalam keris,/dan sampan berisi samudera,/
Kuda melonjak dimuka pandangan,/
Punggung peluru, dimana?/
Bekas kuntul yang melayang-layang,/
Kakak si sulung, adik si bungsu,/Teratai tak berselaga.
Lawan siti pinendhem ing bumi,
Miwah tirta kinum jroning toya,
Lawan srengenge pinepe,
Lawan geni tinunu,
Pan walanjar dereng akrami,
Prawan adarbe suta,
Ndhog bisa kaluruk,
Jejaka rabine papat,
Pan wong mangan saben dina-dina ngelih,
Lawan mangan sapisan (pan wus marem).
Artinya:
Dan tanah tertanam dalam bumi,/
Atau air terendam dalam laut,/
Matahari dijemur,/
Dan api terbakar (ditunu),/
Janda belum pernah kawin,/
Dara (gadis) berputera,/
Telur dapat berkokok,/
Bujang beristeri empat,/
Orang makan sehari-hari lapar,/
Dan makan sekali (sudah puas).
KAnggit : Ki Ageng Selo
Sumber :
http://alangalangkumitir.wordpress.com/ 
